LEO SIMNAJUA TENA WADAU NI WIIIKIIIEEENDIIII MAMBO SOFTI

TWIGA STARS KWENDA BOTSWANA

TIMU ya Taifa ya Wanawake 'Twiga Srars' inatarajiwa kuondoka nchini Jumatatu ijayo kwenda nchini Botswana kucheza mechi mbili za kirafiki.

Twiga Stars wanashiriki michuano ya Kombe la Mataifa ya Afrika kwa wanawake, ambayo inaanza kutimua vumbi wiki ijayo nchini Afrika Kusini, na Tanzania imepangwa kuanza na timu ya huko.

Akizungumza Dar es Salaam jana, Rais wa Shirikisho la Mpira wa Miguu Tanzania (TFF), Leodger Tenga, alisema timu hiyo inatakiwa kuwasili nchini Afrika Kusini Oktoba 28 mwaka huu, lakini kabla ya kwenda huko watatakiwa kucheza mechi mbili za kirafiki.

"Tumeona ni vyema tukaitafutia timu yetu mechi mbili za kirafiki kabla ya kwenda Afrika Kusini, hivyo watacheza na timu ya taifa ya wanawake ya Botswana, kwasababu wametukubalia ombi letu," alisema Tenga.

Alisema kikosi cha wachezaji 20 na viongozi sita kitondoka Jumatatu ijayo, na Oktoba 28 viongozi wanne watakwenda Afrika Kusini kuungana na timu hiyo.

Tenga alisema jumla ya Sh.milioni 111 zinahitajika katika gharama zote za timu hiyo kuanzia Jumatatu itakapoondoka, na kwamba wanashukuru msaada wa Rais wa Jamhuri ya Muungano wa Tanzania Mrisho Kikwete kuiachangia timu hiyo Sh.milioni 53 ambazo zilifanikisha kambi na posho za wachezaji.

Alisema kila Mtanzania anawajibu wa kuichangia timu ya taifa ya Wanawake, kwani ndio mara yake ya kwanza kushiriki michuano mikubwa kama hiyo.

Twiga Stars wanawania kufuvu kucheza fainali za Kombe la Mataifa, zinazotarajiwa kufanyika mwakani nchini Ujerumani.Zote kwa hisani ya blog ya Burudan mwanzo mwisho

ALLY CHOKI WASHA MOTO MOSHI,ARUSHA NOVEMBA 19 NA 20

BENDI ya muziki ya Extra Bongo inatarajia kwenda kufanya maonesho mawili makubwa katika mikoa ya Kilimanjaro na Arusha yatakayofanyika Novemba 19 na 20 katika mikoa hiyo.

Akizungumza Dar es Salaam juzi, Mkurugenzi wa bendi hiyo Ali Choki alisema wameamua kufanya maonesho katika mikoa hiyo ili kuwapa burudani wakazi wake ikiwa ni mwendelezo wa maonesho waliyopanga kuwapa wakazi wa mikoa ya kaskazini.

Alisema onesho la kwanza watafanya mkoani Kilimanjaro katika ukumbi wa Adventure novemba 19 na Arusha novemba 20 litafanyika Matongee klabu.

Alisema maonesho hayo yatawapa fursa ya kuitangaza albamu yao ya Mjini Mipango na staili yao mpya ya uchezaji inayofahamika kama 'Kizigo' ambayo imekuwa ikiwavutia na wengi tangu ilipoanzisho.

"Tunashukuru kuona maonesho mengi tunayoyafanya mashabiki wetu wanatuunga mkono kwa kiasi kikubwa na sisi tunaendelea kuleta vitu vipya na sasa tunakwenda Arusha ambako tutafanya onesho moja na Kilimanjaro moja.," alisema Choki.

Choki ambaye pia ni mwimbaji wa bendi hiyo alisema maonesho hayo yatakuwa ni ya kukata na soka kutokana na kuwa onesho la kwanza la bendi hiyo tangu ilipoanzishwa kwa mara nyingine.