UANZISHWAJI WA BODI ZA MISHAHARA KISEKTA.

Tuesday, October 08, 2013    No comments

Msemaji toka Wizara ya Kazi na Ajira Bw.Ridhiwan Wema(Kulia) akieleza kwa waandishi wa habari kuhusu majukumu ya Bodi  za Mishahara Kisekta kwa mujibu wa sheria Na. 7 ya Mwaka 2004 ya Taasisi za Kazi katika Sekta Binafsi, wakati wa Mkutano uliofanyika katika ukumbi wa Idara ya Habari(MAELEZO) Leo jijini Dar es Salaam. Kushoto ni Mchumi Mwandamizi wa Wizara hiyo Bw. Jofrey Mashafi.

*************************************************

 Moja ya majukumu ya Wizara ni kusimamia utekelezaji wa Sera na Sheria za Kazi mahali pa Kazi.

Bodi za mishahara kisekta zinaundwa kwa mujibu wa sheria ya Taasisi za Kazi Na 7 ya mwaka 2004.

Sheria hii inampa mamlaka Mh.Waziri wa Kazi na Ajira kuunda bodi hizo kwa kuteua wenyeviti na wajumbe wa bodi hizo.

Mwakak 2007 kwa kuanzia Mhe.Waziri wa Kazi aliunda bodi 8 za mishahara kwa sekta binafsi.

Bodi hizo ni katika sekta zifuatazo:-

(i) Kilimo (ii) Afya (iii) Biashara na viwanda (iv) Mawasiliano (v) Madini  (vi) Uvuvi na huduma za majini(vii)Hoteli na huduma za majumbani (viii)Ulinzi binafsi.

Mwaka 2011 ziliongezeka bodi mpya 4 ambazo ni(i)Usafirishaji (ii) Shule binafsi            (iii) Ujenzi (iv) Nishati

Hivyo hadi sasa mwaka 2013 idadi ya bodi zilizopo ni 12.

Muundo wa Bodi

Kila Bodi inaundwa na wajumbe 8 akiwemo Mwenyekiti na wajumbe wanaowakilisha maslahi ya Serikali Wajumbe 2,Waajiri Wajumbe 2 na Wafanyakazi 2 katika mfumo wa Utatu (TRIPATISM), pamoja na wajumbe wengine wanaoteuliwa kwa kuzingatia utaalamu wao katika masuala ya Kazi na Ajira, Mtaalam huyu anakuwa mmoja.

MAJUKUMU YA BODI.

Majukumu ya Bodi yameaninshwa chini ya kifungu cha 36 (1) cha sheria ya Taasisi za Kazi Na 7 ya mwaka 2004 ambayo ni pamoja na:-

(a)    Kufanya uchunguzi kuhusu kima cha chini cha mishahara na hali ya Ajira  katika sekta husika.

(b)   Kuandaa na kuwasilisha mapendekezo kwa Mhe.Waziri wa Kazi kuhusu kima cha chini cha mshahara pamoja na masharti ya Ajira katika sekta husika

(c)    Kuhamasisha majadiliano ya pamoja (collective bargaining) sehemu za Kazi kati ya vyama vya wafanyakazi na waajiri.

Kifungu cha 42 (2) cha sheria hii, kinaruhusu Mtaalamu mwelekezi apewe kandarasi katika kutekeleza majukumu ya Bodi ikiwemo suala la kufanya utafiti (a)    wa Kima cha chini cha Mishahara.(a)    Pamoja na yaliyoelezwa hapo juu,Baraza la Kazi,uchumi na Jamii (LESCO) litapitia mapendekezo ya Bodi za Mishahara na kutoa maoni na ushauri kwa Mhe.Waziri wa Kazi,ambaye ndio mwenye mamlaka ya kutangaza vima vya chini vya mishahara kwa kuzingatia ushauri uliotolewa.

 Viwango vya Mishahara:

Viwango vinapaswa kuzingatia maoni ya pande zote za wadau pamoja na ushauri wa vyombo vingine vyenye mamlaka chini ya sheria ,kwa kuzingatia yafuatayo:-

(i)                 Uwezo wa waajiri kufanya biashara /shughuli kwa ufanisi.

(ii)               Uanzishaji na uendeshaji wa biashara /shughuli ndogo na za kati.

(iii)             Gharama za maisha

(iv)             Uanzishwaji wa biashara mpya.

(v)               Kuondoa umaskini

(vi)             Kiwango cha chini cha kujikimu (i)                 Mishahara na hali za Ajira za Wafanyakazi walioajiriwa katika nchi za Jumuiya ya Afrika Mashariki kwenye sekta husika

(ii)               Madhara yanayoweza kujitokeza katika Ajira iliyopo na kuanzishwa kwa ajira mpya kutokana na mapendekezo yatakayotolewa.

UPANGAJI WA KIMA CHA CHINI CHA MISHAHARA KISEKTA KUPITIA TANGAZO LA MISHAHARA NA.196 LA MWAKA 2013 NA UTARATIBU ULIOFUATWA.

 Kima cha chini cha mishahara katika sekta binafsi 12 kilitangazwa tarehe  28/6/2013 kupitia Tangazo la Serikali Na.196, mishahara mipya ilianza kutumika  rasmi tarehe 1 Julai 2013.

Taratibu zilizofanyika:-

(1)   Bodi za mishahara kisekta zilitembelea maeneo mbalimbali ya kazi nchini katika      mikoa 11, ambayo ni:-                                                                                                           

 Dar es salaam, Morogoro,Pwani,Dodoma,Arusha,Mwanza,Tanga,Manyara,Iringa,Mbeya na Kilimanjaro.

Lengo likiwa ni kujionea hali halisi ya mazingira ya kazi na kupata maoni ya wadau kuhusu kima cha chini cha mishahara katika sekta husika.

(1)   Mtaalam mwelekezi ambaye alikuwa Chuo cha Utumishi wa Umma alitembelea mikoa 20 kwa ajili ya utafiti na matokeo ya utafiti yalitumiwa na bodi 12 katika kuandaa mapendekezo ya mishahara.

(2)   Katika utafiti uliofanywa Mtaalamu mwelekezi alionana na Waajiri zaidi ya 398 na Wafanyakazi zaidi ya 1329.

Aidha wadau pia walipewa fursa ya kutoa maoni yao kupitia magazeti ya Mwananchi na Daily News ya tarehe 11/02/2103

USHAURI NA MAPENDEKEZO

(I)                Tangazo la Serikali Na.196 la mwaka 2013 linaelekeza kiwango cha kuanzia au kima cha chini cha mshahara.Waajiri wanayo nafasi ya kuboresha kima hicho kutegemeana na Tija na uwezo wa kampuni kulipa, kima hiki ni Elekezi.

(II)             Vyama vya Wafanyakazi vina nafasi kubwa kuboresha mishahara na maslahi ya Wafanyakazi kupitia majadiliano ya pamoja (collective barganing) sehemu za Kazi, kwa kuwa sheria na kanuni zinatoa na kuhimiza haki hiyo.

(III)          Makampuni ya ujenzi yanayolalamika kuingia M

(IV)          ikataba isiyobadilika katika kandarasi za ujenzi, tunayashauri kuwasiliana na Wateja wao ili kurekebisha mikataba yao kwa lengo la kukidhi mahitaji ya kima cha chini cha mishahara kama inavyofanyika kwa vitendea kazi wanavyovitumia pale vinapopanda bei.

IMETOLEWA

RIDHIWANI M.WEMA

Msemaji

WIZARA YA KAZI NA   AJIRA.