MKUTANO WA WADAU KUHUSU KANUNI ZA MATUMIZI SALAMA YA BAIOTOKNOLOJIA YA KISASA

Naibu Katibu Mkuu Ofisi ya Makamu wa Rais Eng. Ngosi Mwihava akifungua Kikao cha wadau kuhusu kanuni za matumizi salama ya Bioteknolojia ya kisasa, kikao kilihusisha wanasanyansi, wanasheria, Mtandao wa wakilishi wa wakulima na Taasisi za Mbegu.

Wadau wakiwa katika picha ya pamoja na Naibu Katibu Mkuu Eng. Ngosi Mwihava mara baada ya ufunguzi wa Kikao kazi cha wadau kuhusu kanuni za matumizi salama ya Baiotoknolojia ya kisasa kikao kilichofanyika kwenye Ukumbi wa Mikutano Ofisi ya Makamuwa Rais Mtaa wa Luthuli JijiniDar es Salaam.{Picha na Ali Meja]

Naibu Katibu Mkuu Eng. Ngosi Mwihava (Kulia) akibadilishana mawazo na Dr. Alois Kullaya kutoka Kituo cha Utafiti cha Mikocheni mara baada ya kufungua kikao cha kanuni za Matumizi salama ya Baiotoknolojia ya kisasa[Picha na Ali Meja]

Baadhi ya Wadau wakifuatilia mjadala, katika kikao kazi kilichofanyika kwenye  Ukumbi wa Mikutano wa Ofisi ya Makamu wa Rais, Mtaa wa Luthuli jijini Dar es Salaam leo.

Na Lulu Mussa

 

Naibu Katibu Mkuu Ofisi ya Makamu wa Rais, Eng. Ngosi Mwihava amewataka wadau kutoka sekta mbalimbali kujadili na kutoa maoni kuhusu utekelezaji wa kanuni za matumizi salama ya Bioteknolojia ya kisasa ambazo ni sehemu ya utekelezaji wa Sheria ya Mazingira na utekelezaji wa Itifaki ya Cartagena chini ya Mkataba wa Hifadhi Bioanuai.

Akifungua kikao kazi, Eng. Mwihava amesema, Tanzania iliridhia Mkataba wa Umoja wa Mataifa kuhusu Bioanuai mwezi machi , 1996 na kufuatiwa  na Mkutano wa wanachama ulioazimia kuandaa itifaki kuhusu  usalama wa Mazingira dhidi ya Athari za Bioteknolojia ya Kisasa.

Itifaki hiyo pamoja na mambo mengine inasisitiza nchi wanachama kuandaa Sheria na kuweka mfumo na mwongozo wa Usimamizi salama wa Mazingira na kulinda afya ya binadamu, bioanuai na wanyama

Aidha, lengo la teknolojia ya Kisasa ni kukidhi haja ya kuimarisha ubora, kudhibiti magonjwa, kuhimili ukame na kukuza uzalishaji. Hata hivyo imebainika kuwa bado kuna wasiwasi wa athari zinazoweza kupatikana kutokana na teknolojia hiyo endapo itatumiwa bila kufuata utaratibu. “kwa hiyo tumewaita ili kujadili na kutoa maoni kuhusu utekelezaji wa Kanuni hizi ili tupate mwelekeo wa suala hili na kuishauri Serikali’. Alisisitiza Eng. Mwihava.

Akitoa maezo ya awali, Mkurugenzi wa Idara ya Mazingira, Ofisi ya Makamu wa Rais Dkt. Julius Ningu amesema kuwa lengo la kanuni hizo si kuzuia au kukwamisha matumizi ya Bioteknojia hapa nchini bali ni kuhakikisha nchi inanufaika na matumizi hayo kwa kuzingatia usalama wa afya ya binadamu na Mazingira.

Aidha baadhi ya wadau katika kikao hicho walikuwa na maoni tofauti na kuitaka Serikali kupitia upya kanuni na kufanya tathmini ya kuondoa ama kuacha kuondoa kipengele cha Strict liability.

Mkutano huo umehusisha wanasheria, wanasayansi, Mtandao wa wawakilishi wa wakulima na Taasisi za Utafiti za Mbegu, hususan Pamba na Mahindi.