Waziri mkuu wa Mali ajiuzulu

 

Waziri mkuu wa Mali Cheikh Modibo Diarra

Waziri Mkuu wa Mali , Cheikh Modibo Diarra, amejiuzulu. Bwana Diarra ametangaza hayo katika runinga ya taifa baada ya wanajeshi walioongoza mapinduzi ya Mali kumkamata nyumbani kwake Bamako.

Msemaji wa Jeshi la Mali ameiambia BBC kuwa, Diarra, alikamatwa alipokuwa akijaribu kutoroka Mali kuelekea ufaransa na amekuwa akihujumu juhudi za kupatikana demokrasia katika taifa hilo

Alisema agizo la kumkamata lilitoka kwa Kapteni Amadou Sanogo, mkuu wa serikali ya kijeshi ambaye alichukua uongozi baada ya kumpindua aliyekuwa rais Amadou Toumani Toure mwezi Machi.