MCHEZO MZIMA WA PATRICK PHIRI KURUDI SIMBA II

Kocha mkuu wa timu ya Simba, Patrick Phiri

HUKUfilamu ya Phiri atarajea lini ikiendelea ndani ya kambi ya Simba baada ya kushindwa kuwasili jana kama ilivyokuwa imetangazwa awali, vijana wake wamehamia Coco Beach.

Phiri ambaye alikwenda nchini Zambia kwa mapumziko alitarajiwa kuwasili jana, lakini kutokana na matatizo binafsi aliyopata nchini humu ameshindwa kuwasili na uongozi wa timu hiyo kupitia kwa afisa habari wake Clifford Ndimbo umesema atawasili mwishoni mwa wiki.“ Alikuwa awasili jana, lakini kutokana na matatizo binafsi aliyopata nchini humo, sasa atawasili mwishoni mwa wiki, bado kila kitu kinakwenda sawa, vijana wanafanya mazoezi kwa kasi sana, na sasa kila wanapomaliza mazoezi ya GYM asubuhi, jioni tunakwenda Coco Beach kwa ajili ya kujiweka fiti zaidi. “Bado wachezaji wachache sana ndiyo hajawasili mazoezini.

Mussa Mgosi, Emanuel Okwi wameshajiunga nasi, na tunafanya wote kwa pamoja hakika kila mmoja anatia moyo, akiwasili kocha basi tutahamia uwanjani kwa ajili ya mambo mengine.Kila mara Phiri anapoondoka nchini tarehe ya kurejea kwake huwa kizungumkuti kwani, mara kwa mara hutangazwa leo, kesho, keshokutwa na hivyo sasa imekuwa kama filamu.

Simba ndiyo mabingwa watetezi wa Ligi Kuu ya Tanzania bara, baada ya kucheza michezo yote ya ligi hiyo msimu uliopita bila kufungwa.

Habari kwa hisani ya mtandao wa GPL.