BONDIA DAVID HAYE AFANYA KWELI AMTWANGA MPINZANI WAKE KWA KO

BONDIA Mwingireza, David Haye (29) juzi alitetea taji lake la ubingwa wa ngumi uzito wa juu WBA kwa kumtwanga John Ruiz (Ruiz) wa Marekani kwa KO katika mechi iliyochezwa ukumbi wa MEN Arena mjini Manchester.

Katika mechi hiyo ilihudhuriwa na mshabiki 20,000 Haye aliweza kumwangusha mpinzani wake mara nne kutokana na ngumi kali za kasi tangu ilipopigwa kengele ya kuanza kwa pambano.

Kocha wa Ruiz alilazimika kurusha taulo ulingoni kuashiria mwamuzi kumaliza pambano ili kumwokoa bondia wake baada ya kuisha dakika mbili na sekunde moja katika raundi ya tisa.

Haye alisema: " Nilijua mechi itakuwa ngumu, lakini nilijua kuwa nikirusha makombora yangu ya ngumi nitamuumiza.

" Hongera kwa Ruiz, ni mpinzani anayevumilia, lakini ningeweza kumtwanga katika raundi ya kwanza kama nisingeharakisha ngumu zangu."